काठमाण्डौ । जीवन विकास लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमासको अपरिष्कृत वित्तीय विवरण सार्वजनिक गरेको छ।

वित्तीय विवरणअनुसार समीक्षा अवधिसम्म संस्थाले ३२ करोड ९२ लाख रुपैयाँ खुद नाफा आर्जन गरेको छ। गत वर्षको यही अवधिको तुलनामा ४६.११ प्रतिशतले कम हो। गत वर्ष यही अवधिसम्म संस्थाले ६१ करोड ९ लाख रुपैयाँ बढी खुद नाफा आर्जन गरेको थियो।

तेस्रो त्रैमासमा संस्थाले खराब कर्जा अनुपात (एनपीएल) बढेर ४.९१ प्रतिशत पुगेको छ। गत वर्ष यही अवधिमा एनपीएल ०.८३ प्रतिशत थियो। खराब कर्जा बढ्दा संस्थाको इम्पेयरमेन्ट चार्ज बढेर ३१ करोड ७२ लाख रुपैयाँ पुगेको छ। गत वर्ष यही अवधिमा यस्तो चार्ज ७ करोड ३५ लाख रुपैयाँले ऋणात्मक थियो। इम्पेयरमेन्ट चार्ज बढ्दा पनि डिप्रोक्सको नाफा प्रभावित भएको देखिन्छ।

यो अवधिमा संस्थाको सञ्चालन मुनाफा पनि ४६.११ प्रतिशतले घटेर १ अर्ब १९ करोड रुपैयाँमा सीमित बनेको छ। गत वर्ष यही अवधिमा संस्थाको सञ्चालन मुनाफा १ अर्ब ५० करोड रुपैयाँ रहेको थियो।

समीक्षा अवधिमा संस्थाको खुद ब्याज आम्दानी ९.११ प्रतिशतले बढेर १ अर्ब ६९ करोड रुपैयाँ भएको छ। गत वर्ष यही अवधिमा यस्तो आम्दानी २ अर्ब ४७ करोड रुपैयाँ रहेको थियो।

चुक्तापुँजी १ अर्ब १८ करोड रुपैयाँ रहेको संस्थाले तेस्रो त्रैमासमा ८ अर्ब ७० करोड रुपैयाँ सापटी लिई २२ अर्ब ४५ करोड रुपैयाँ कर्जा लगानी गरेको छ। गत वर्षको यही अवधिमा संस्थाले ९ अर्ब ४८ करोड रुपैयाँ सापटी लिई २३ अर्ब ४३ करोड रुपैयाँ कर्जा परिचालन गरेको थियो।

यो अवधिमा संस्थाको रिजर्भको आकार १४.९६ प्रतिशतले बढेर १ अर्ब ९ करोड रुपैयाँको उचाइमा पुगेको छ। गत वर्ष यही अवधिमा संस्थाको रिजर्भमा ९५ करोड २३ लाख रुपैयाँमा सीमित थियो। 

संस्थाको वार्षिकीकृत प्रतिसेयर आम्दानी (ईपीएस) ५२.८५ प्रतिशतले घटेर ३७.१४ रुपैयाँ कायम भएको छ। गत वर्ष यही अवधिमा ईपीएस ७८.७७ रुपैयाँ थियो। पीई रेसियो ४०.५३ रुपैयाँ रहेको संस्थाको प्रतिसेयर नेटवर्थ २६१.४५ रुपैयाँ रहेको छ।