काठमाण्डौ । नेपाल लाइफ इन्स्योरेन्स कम्पनी लिमिटेडले आर्थिक वर्ष २०७६/७७ का लागि लाभांश प्रस्ताव गरेको छ। 

कम्पनी सञ्चालक समितिको माघ २१ गते बसेको बैठकले आर्थिक वर्ष २०७६/७७ सम्मको सञ्चित मुनाफाबाट हाल कायम चुक्तापुँजी ७ अर्ब १९ करोड ९९ लाख ७० हजार ६६१ रुपैयाँको कुल १४.७३६८ प्रतिशतले हुन आउने १ अर्ब ६ करोड १० लाख ४८ हजार ३०८ रुपैयाँबराबरको लाभांश प्रस्ताव गरेको छ। 

प्रस्तावित लाभांशमा १४ प्रतिशत बोनस सेयर र कर प्रयोजनार्थ ०.७३६८ प्रतिशत नगद लाभांश रहेका छन्।

प्रस्तावित लाभांश बीमा समितिको स्वीकृतिपछि आगामी २१ औँ वार्षिक साधारणसभाबाट अनुमोदन गरी सेयरधनीहरुलाई वितरण गरिने कम्पनलिे जनाएको छ।