काठमाण्डौ । साताको अन्तिम कारोबार दिन बिहीबार बजार झिनो अंकले घटेको छ ।
यो दिन कारोबार पनि घटेको छ । अर्थात् यो दिन बजार ०.६२ प्रतिशतले घटेर २ हजार ८८.९९ विन्दुमा बन्द भएको छ भने कुल ४ अर्ब ३० करोड रुपैयाँभन्दा माथिको कारोबार भएको छ ।
डेली बेसमा आजको बजारलाई नियाल्दा बोलिङगरको मध्य ब्यान्डभन्दा माथि माथि बजार टिकेको छ ।
म्याक्डीमा वियरिस क्रसओभर रहेता पनि हिस्टोग्राम छोटा छोटा हुँदै गएका छन् । तर बुलिस क्रसओभर भने हुन सकेको अवस्था छैन । आरएसआई ६० भन्दा माथि- माथि नै छ ।
समग्रमा तीन वटै इन्डिकेटरबाट नियाल्दा बजार बलियो नै छ । तर बजारमा केहि दिन यता छोटा छोटा शुटिङ स्टार बनेका छन् । यसले बजारमा नाफा बुक पनि चलिरहेको छ भन्ने देखाउँछ ।
बिहीबार २ हजार ८८ विन्दुमा बन्द भएको बजार यदि आगामी कारोबारमा २ हजार १०० विन्दु माथि माथि टिकेर कारोबार हुन्छ भने बजारले पुनः माथिको यात्रा तय गर्न सक्छ ।
तर २ हजार ६० विन्दुभन्दा तल तल कारोबार हुन्छ भने बजार केहि समय साइडवेजमा पनि चल्न सक्छ ।
त्यसैले अहिले नै बजारको यहि दिशा प्रश्ट भइसकेको अवस्था भने छैन । कारोबार र भोलुममार्फत् हेर्दा एभरेज भोलुम ४ अर्ब रुपैयाँमाथि नै छ ।
अन्य इन्डिकेटर सुपर ट्रेन्ड मार्फत् नियाल्दा बजार बुलिस नै रहेको छ ।
(नोट : सेयर बजारमा लगानी जोखिमपूर्ण हुन्छ,यो विश्लेषण कारोबारको सिफारिस भने होइन ।)
12 months ago
12 months ago
12 months ago
12 months ago
12 months ago
12 months ago
12 months ago
12 months ago
12 months ago
12 months ago