काठमाण्डौ । बेलायतमा ४ दशकयताकै उच्चदरमा मुद्रास्फीति बढेको छ। 

बेलायतको मुद्रास्फीति दर १०.१ प्रतिशत पुगेको छ। जुन ४० वर्षयताकै उच्च हो। 

बेलायतस्थित अर्थशास्त्रीको टिम ग्रुप अफ सेभनका अनुसार यो उचाइसँगै बेलायतमा कस्ट अफ लिभिङ अगस्टमा झनै बढेको छ भने उपभोक्ताको विश्वास झनै घटेको छ। 

बेलायतको केन्द्रीय बैंक ‘बैंक अफ इंग्ल्यान्ड’ले बेलायतमा ३ महिनापछि मन्दी आउन सक्ने अनुमान गरेको छ। यसो भएमा बेलायत सन् २०२४ सम्म मन्दीबाट बाहिर निस्कन नसक्ने बैंकको भनाइ छ। 

उच्च मुद्रास्फीतिसँगै पर्चेज इन्डेक्स (खरिद सूचक)मा पनि गिरावट आएको छ। बेलायका सबै आर्थिक सूचकहरु जुलाईको तुलनामा अगस्टमा झनै बिग्रेको अवस्थामा छ। 

यसअघि सन् २००८ मा पनि बेलायत आर्थिक मन्दीको चपेटामा परेको थियो भने त्यसबाट बाहिर आउन बेलायतलाई अन्य युरोपेली मुलुकको तुलनामा लामो समय लागेको थियो। –एजेन्सी